Friday, July 26, 2013

මින් පසු පිටසක්වල එලී ලංකාවේදි දැකිය නොහැක





Ex-Alain නංගි ගේ සිංදුව ඇහුවෙ නම් ගොඩක් දවසකට කලින්. මොන පයන්නක්ද කියලා හිතුනත් පොඩි එකීගෙ ආසාවනේ කියලා හිත හදාගත්තා. අපිත් ඉස්කෝලෙ ගිය කාලෙ විතරක් නෙවෙ අදටත් තියන ලොකුම උන තමයි ඔය සින්දු පිස්සුව එහෙව් එකේ මේ පොඩි කෙලීටත් ඕක නැතෑ කියලා එදා හිතුනා.. දෙතුන් දෙනෙක්ටම මම කිව්වා ඕකෙන් වැඩිය ආතල් ගන්ට එපාය. ඔයිට වඩා අජපල් වැඩ මේ ශ්‍රි ලංකාවෙ වෙනවා කියලා..

සහතිකෙන්ම අද වෙනකම් මම හිතන් උන්නෙ මේ කෙල්ල බොහොම හිතේ අමාරුවෙන් ඇති කියලා....

අම්මට හුඩු අදනේ සුදු නංගිගේ රේඩියෝ ඉන්ටවිව් එක ඇහුවේ..

අවංකවම කියනවනම් සිංදුවෙ ඇහිච්ච ඉංගිරිස් වචන තරම්වත් මට නගා සිංහලෙන් කොටාපු අන්ඩර දෙමල ටික තෙරුනේ නෑ. නංගි කතා කරන්නෙ ජිල් බොලයක් හක්කෙ තද කොරන්ද මන්දා.. අතරින් පතර මෙන්න මේ ටික විතරක් තෙරුනා..

නංගි නවල් එකක් ලියනවලු...

නංගි ලංකාවෙ කලාවෙ නව නැම්මක්ද නමන්න හදනවලු.. එ කිව්වෙ වෙනසක්

නංගි ලෝයර් කෙනෙක් වෙන්ඩ යනවලු

එතකොට ලංකාවෙ උන්ට වෙනසක් ආවම එක දරාගන්න බාරගන්න බැරිලු.

නංගිට පොලිටික්ස් පැත්තෙන් ගිහින් ලොකේ වෙනස් කරන්ඩ ඕනලු..

හරී .. ඕවගෙන් නගා ලෝයර් කෙනෙක් වෙනවා.. පොලිටීශියන් කෙනෙක් වෙනවා එක වගේ අනාගත අරමුනු ගැන සන්තෝස වෙනවා.

ඒත් .... නගා කිව්වා අනිත් ඒවා ගැන පැයක් විතර කල්පනා කොලත් නිකං හෝන්දු මාන්දු වෙලා වගේ. නගා කිව්වෙ ගීතය ලිව්වෙ නගා ලියන නවල් එකෙන් අරන්  මේකට දාල ඒකෙන් අරන් තව කොහෙටද දාල මොන මොනවදෝ කරලා කියලනේ. අනේ ඔය වගේම අපේ අම්මා සුප් හදනවා නගා..

අනේ මන්දා නගා මට ඒ කාලෙ ඉදලම තේරෙන්නෙ නැති එක දෙයක් තියනවා. අපේ කලාවෙ පොරවල්ය කියලා කියන ඇත්තොයි උන්ගෙ පාර දිගේ යන උනුයි හැමදාම අපේ කලාවෙ නැම්ම නවන්න හැදුවෙ අහල පහල රටවලින් කොපි කරගත්තු හරි ගෙඩි පිටින් උස්සගෙන ආපු හරි දේවල් වලින්. සරස්වතී දේවිට වැදලා සිංදු අහන්න පුරුදු වෙච්ච රටක උන්ට ගංජා ගහලා සිංදු කියන උන්ගෙන් කොපි කරපුවා ගෙනත් නැම්ම නවන්ඩ හදනවා. නගා ඔයා ඔය නැම්ම නවන්ඩ වියදම් කරපු වියදම  ඔයාගෙ මහන්සිය වගේ නෙවෙ. කවදා හරි ඔය නැම්ම කෙලින් කරන්ඩ ගිය දවසට  කැටපිලර් අලි ඇත්තු දාලවත් ඕක කෙලින් කරගන්ඩ වෙන් නෑ.. නගා

ලංකාවෙ උපන්න එකෙක් උනාම ඇයි නගා නවාගන්ඩ ඕන තරම් නැවිලි අපෙ රටේ සංගිතයේ තියෙද්දි  වෙන රටවල ඒවා ගෙනත් අපේ රටේ කාලාවෙ නැමි නවන්ඩ යන්නේ..

නිකමට කල්පනා කරලා බලහන් නගා මයිකල් ජැක්සන් , එල්ටන් ජෝන් , බොබ් මාලෙලත් ඔය නැවිල්ල නැව්වා. හැබැයි උන්ගේ රටේ උන්ගේ සංස්කෘතියෙ. අහන දකින දෙවල් එක්ක. ඒ රටෙ මිනිස්සු එක බාරගත්තෙ උන්ට ඒක අහලා දැකලා හුරු හින්දා එහෙම නැතුව

මයිකල් ජැක්සන්

" හොයි රයිරේ.. හොයිරාමා කොල මැඩපාන්........ " කියල හරි

බොබ් මාලේ

" ඉන්නේ දුම්බරයි මහ කලු ගලක් යට "

කියලා හරි උන්ගේ රටේ ඔය නැවිල්ල නවන්ඩ ගියානම් උන්ටත් වෙන්නේ අද ඔයාට වෙච්ච විදියට පට්ට කුජිත වෙන්ඩ නේද. ඔක්කොටම කලින් දෙයක් කරන්ඩ යනකොට පයගහලා ඉන්නේ මොන තැනද කියලා බලල. මෙතෙන්ට ගැලපෙන්නෙ මොකක්ද කියලා හිතලා බලල දෙයක් කරපන් නගා.
මෙව්වට උබ විතරක් වැරදි නෑ උබ හැසිරෙන කතා බහ කරන හැටියෙන් මටනම් තෙරෙන්න පැය ගහලා ඉන්නෙ මෙ රටේ උනත් උබ ජිවත් වෙන්නෙ වෙන රටක වෙන ලෝකෙක කියලා. පැය 24 ඉන්ටනෙට් එකෙ හිටියත් නගා මේ ලංකාවෙ ඉන්න බහුතරයක් උබ ඔය පය ගහලා ඉන්න ලෝකෙට බොහොම පහල පඩිපෙල් වල ඉන්න උන් ඉන්න රටක්. උඩම පඩියෙ ඉදන් උබ අපිට මැනික් පෙන්නුවත් යට ඉන්න උන්ට ඕක පෙන්නෙ බල්බ් වගේ.

තවත් දෙයක් කියනවනම් නගාගෙ කකුලෙන් ඇදලා පහලට දාන කතාවක් කිව්වනේ.. ඒකනම් ඉතිං මට තාමත් හරියට තෙරුමක් නෑ.. හැබෙයි නගා මමත් ඉස්කෝලෙ යන කාලෙ ඉස්කෝලෙ සංගීත කන්ඩයමේ හිටියා.. අපේ ඉස්කෝලෙ තිබ්බ එක එක අට පට්ටලම් වලට දවස් ගනන් නටලා කෑ ගහලා අපිත් සින්දු කියන්ඩ ලෑස්ති උනා. මොන මොන වැඩ්ඩෝ උනත් නගා ඒ දවසට අපේ උගුර බැරෙන්ඩි වෙලා හරි ලාවට හෙම්බිරිස්සාවක් හැදිලා හරි තිබ්බනම්. අපෙ මැඩම් අපිව හරි අගේට ඉස්ටේජ් එකෙන් බස්සලා පැත්තකින් තිබ්බා.. එහෙම නැතුව අරුන් අස්සටම දාල අපිටත් සින්දු කියවලා ඒක අලුත් නැම්මක් එහෙම නැත්තං ලෝ පිච් මැද අමුතු පිච් එකක් යනකොට හරි ගතියයි කියලා හරි අපිවත් අර ගොඩට දැම්මනම් අපිටත් කලාවෙ නැම්මෙ ඇද ඇරගන්න තිබ්බා නගා. ඒ අතරෙම අපි ඔය පන්ති කාමරේ සර් කෙනෙක් නැති දවසට ආතල් එකේ සින්දුවක් එහෙම කියනකොට උපන්තෙකට තාලෙට හුවක් වත් කියන්න බැරි උනුත් අපිත් එක්ක සින්දු කිව්වා නගා හැබැයි ටික වෙලාවකින් ඌ කට වහගෙන මෙසෙට තට්ටු දාන්න පටන් ගන්නවා ඒකවත් කරගන්න බැරිනම් ඌ සින්දුව අහන් ඉන්න පටන් ගත්තා.. තමුන් ගැන තමුන් තෙරුම් ගන්නවා කියන්නෙ ඒකයි නගා,, සමහර විට ඌ දිගටම සින්දු කිව්වනම් අපි සිංදු කියන එක නවත්තන්න හරි ඌට ඉස්පිරිතාලෙ යන්ට හරි දෙකෙන් එකක් වෙන්ට තිබ්බා. ඒත් උන් නම් යස අගෙට තැනට ගැලපෙන්ට ඉගනගත්තා.

දැන් බලහන් නගා සින්දුව මෙලඩි කරපු එකා දන් නෑ කරපු ස්ටැයිල් එක, ඒක ඌටත් තාම ශුවර් නෑ.  මෙක අහපු උන්ට තාම ශුවර් නෑ උන් මොනවා හරි ඇහුවද කියන එක. ඒ ඔක්කොමත් හරි කියමුකෝ එ ඔක්කොම බලන් ඉද්දි උබ කියවන ඒවා අහපුවම අපිට මොකුත්ම මතක නෑ.. 

නගා ඕනම දේකට කැමති වෙන හා අකමෙති වෙන දෙකොටසක් ඉන්නවා එක පොදු දෙයක් එත් බහුතර මතය එක පැත්තකට ඇදෙනවනම් එතන මොකක් නමුත් ගත යුතු දෙයක් තියනවා. එහෙම වෙද්දිද් ඔයා පොර ටෝක් දීගෙන යන එකෙන් වෙන්නේ මොකක්ද කියලා ඔයාට තේරෙන්න තාම වයසක් ඔයාට නෑ.. මට තියෙන ප්‍රශ්නෙ ඔයාගෙ අම්මලා තාත්තල හා වගකිව යුතු වයසක ඉන්න උනුත් මොකක්ද මේ කරන්නෙ කියන එක.  සමාජේ ජිවත් වෙනකොට එතනින් එහාට යන්න මිනිස්සු එක එක පාරවල් කපා ගන්නවා ඒත් නගා ඔයා ඒ පාර කපාගන්න අතට අරන් තියෙන්නෙ උදැල්ලක්  නෙවෙ උදලු මිටක්. 


උබේ හිතේ තියන හයිය හරි ව්දියට පාවිච්චි කරහන් නගා එදාට උබ ගොඩ
කොහොම කොහොම හරි නගා ඉදලා හිටලා හරි පාත් වෙලා ගියපු පිටසක්වල යානා ටික මීට පස්සෙනම් ජිවිතේට ආයෙ මේ සිරි ලංකාවෙ දකිනවා බොරු.






නගාගේ ඉන්ටවිව් එක






නගාගේ සිංදුව


 

 

Wednesday, July 24, 2013

PROUD TO BE SRI LANKAN ... නොහොත් අපේකම




                             තුන් වැනි ලෝකයේ ඉතා සිග්‍රයෙන් දියුනු වෙනවායැයි කියන අපේ රට ගැන අපි ඉතාමත් සතුටු ව්ය යුතුය. ඒ බව අනෙකාටද කියා දිය යුතුය.  ඒ නිසාම අපේ ඇත්තෝ දකින දකින තැන PROUD TO BE SRI LANKAN කියති. දකින දකින තැන PROUD TO BE SRI LANKAN කියා අලවති. ඒ අපේ ජාතික කැක්කුමය. අපේ ජාතික කැක්කුම අඩු වැඩි වන කාල වකවානු ඇත. ගොඩ වෙදකමේ විස නගින බසින කලාව මෙන්ම. ජාති ආලයේද නගින බසින කලාවක් ඇත.  ජාති ආලේ කැක්කුමේ නැග්ම බොහෝ විට පටන් ගන්නෙ ඕනෑම වසරක පෙබරවාරි මුල් වන විටය.  තුන් රෝදයේ , ප්‍රයිවට් බසයේ ,  කඩේ අගුපිලේ , ඇන්ටනා බටයේ ඒ ඒ කාලයට අපේ අභිමානය ආඩම්බරය ලොවට කියා පායි.  බොහෝ විට පෙබරවාරි 5න් පසු කැක්කුම අඩු වන කාලයේ ආරම්භය වන අතර .. කැක්කුම නිට්ටාවට සුව වෙන කාලය වන විට එල්ලා මරන ලද සිංහ පෝතකයෝ ඇන්ටනා බට වලටම දියවී ගොස් අවසන්ය. ප්‍රභාකරන් වල පල්ලට යැවූ කාලයද ජාති ආලයේ කැක්කුම බොහෝ වේදනා ගෙන දෙන කාල සීමාවකි. මීට අමතරව රට පාලනය කරන ඇත්තෝ ජාතියට කැක්කුම අවශ්‍ය වන ඔනෑම වේලාවක එය ලබාදීමට නොමසුරුව කටයුතු කරනු දකින්නට ඇත. එවන් ජාතියක් හැම විටම PROUD TO BE SRI LANKAN කියා කීමෙහි වැරැද්දක් නැත පුංචි අඩුපාඩුවකට ඇත්තේ ඒක කියන්නේ ඉංගිරීසියෙන් වීමය. 
         
             එක අතකින් බලපුවාම ඒකෙත් ඇති වැරැද්දක් නැත. අපේ කැරැට්ටුව ගැන අපි කොහොමත් දන්නා එකේ මව් බාසාවෙන් ඕව්වා ලියා කියා පලක් නැත. අපේ ආඩම්බරේ ගැන හැම එකාටම වැටහෙන බාසාවෙන් ලියා කියා දැමිය යුතුය. . වත්ත වටේ රට වටේ ඉන්නා උන් අපේ තරම දැන ගන්නේ ආං.. ඒ වේලාවටය. ශ්‍රී ලාංකිකයෙක් වීම ආඩම්බරයකි... ඇත්තය එහෙව් ආඩම්බර කමක් මට උපන්තේකට දැනී නැත. උදේ නැගිට්ට වෙලේ සිට පැදුරට වැටෙන වෙලාව දක්වාම අපි ජීවත් වෙන්නේ ඒ ආඩම්බරය ඉස්මුදුනේ තබාගෙනය. අපි ආඩම්බරකාර ජාතියක් වීමට බොහෝ හේතු කාරනා ඇත . ලෝකයේ අනික් උන් අතරින් අපි හෙන අභිමානවත් ආඩම්බරකාර ජාතියක් වන්නේ මෙන්න මේ හේතු කාරනා  නිසාය.

අපි අභිමානවත් ආඩම්භරකාර ජාතියක් වන්නෙමු.. එබැවින්

අපි සෑමදෙයක්ම සෑමවිටම අපි වෙත ලැබෙනතුරු ලබා දෙන තුරු කොටින්ම කියනවනාවම් නිකං දෙන තුරු  බලා ඉන්නන් වෙමු. එහෙම කියන එක අපේ ආඩම්බරේට මෙව්වා වනබැවින් අපි එවාට ආඩම්බරයෙන් ඇමතිය හැකි වචන කිහිපයක් හදුන්වාදුන්නෙමු " සහනාධාර, ආධාර " ඒ ලැයිස්තුවේ ආඩම්බරම වචන කුට්ටමයි.  උදාහරනෙකට කියනවානම්  " අ " යන්න කියන්නට පෙරපාසල් යැවූ දා පටන්  පෙට්ටිය වසා අඩි පහේ වැලලෙන තුරු අපි සහනාධාර ආධර යන පද දෙකට මව පියාට මෙන් සලකන්නෙමු. කොටින්ම කියනවානම් අපේ ආඩම්බරයට නිකං දෙනවානම් නියගලා අල උනත් තම්බලා කන්නට අපි මැලි නොවෙන්නෙමු. අපි එහෙව් ආඩම්බර කාර ජාතියක් වෙන්නෙමු.  අපි එතනින් නවතින්නෙ නැත  අපිට බෙහෙත් ටික නිකංය  එ නිසා බොකූ දිරාස් වෙන්නට වියදම් කොට සව්දිය පිරිය හැක. අධ්‍යාපනේ නිකංය. නිකං කියලා කිව්වට පොඩි පොඩි වියදම් ඇත ලමයා එක වසරට දාන්නට වියදම් වෙන්න ලක්ශ දෙක තුනද. මාසෙකට ගෙවන තුන් හාර දාහද ඇරෙන්නට අධ්‍යාපනේ සම්පූර්න නොමිලයේය. මේවා ගැන හිතද්දී ආඩම්බර කමට මගේ මයිල්ද කෙලින් වෙනවාය.

ගෙදර වටේ කානුවක කොල හිරවූ විට.. වත්ත කොනේ පොල් කටුවක් දුටු විට , වත්ත කොනේ වැවුන පදුරු  දුටු විට  අපි ඔක්කොටම කලින් අතට ගන්නේ .........

" උදැල්ලය.... " 


කවුරු හරි එහෙම හිතුවානම් ඒක බොහොම වැරදිය අපි එහෙම ආවාට ගියාට උදලු අතට ගන්නා ජාතියක් නොවෙන්නෙමු.  අපි ඒ වෙලාවට අතට ගන්නේ අඩි කෝදුවය.  අඩියෙන් අඩිය පියවරෙන් පියවර ඉඩමේ ප්ලෑන් කොපිය හා පැය ගනන් ඔට්ටු කර අපි ආවසන් තීරනයකට එන්නෙමු , 

" ඒ කුනු අරන් දාන්න ඕන අල්ල්පු ගෙදර එකා " ඒකමතික ජන්දයෙන් ඒක සනාථ වන්නේය

අල්ලපු ගෙදර එකාද අරින්නේ නැත කෝණමාන , කවකටු , අන්වීක්ශ සියල්ල යොදා ඌද නිගමනයකට එන්නේය..


" මේවා අයින් කරන්න ඕන ප්‍රාදේශිය සභාවෙන් "

අපේ ආඩම්බරේ දිග පලල අන්න එහෙමය..... 

මාසයක් දෙකක් යනකොට ගෙදරට වතුර පාරක් ගලා එන්නේය.. ඩෙංගු මදුරුවන් බජව් දාන්නට පටන් ගන්නේය.. ඒ වෙලාවට අපිට ආඩම්බරකාර කේන්තියක් දැනෙන්නේය.

වහාම කොලයක් පෑනක් ලංකරගන්නා අපි පිලිවෙලින් පලාත් සභාවට , අගමැති කාරියාලයට ඉන්පසු ජනාධිපති කාරියාලයට මෙසේ ලිපි පෙලක් ලියන්නෙමු .



ආඩම්බරකාර මහජනයා
ලෝකෙන් උතුම් ගම
සිරි ලංකාව


ජනාධිපතිතුමා
ජනාධිපති කාරියාලය
කොළඹ


කානුවේ හිරවූ කුනු සුද්ධ කිරීමට පලාත් සබාවට නොහැකී වීම හා කුනුකසල ඉවත් නොකිරීම නිසා ඇති වූ ව්‍යසනයට ආධාර ලබා ගැනීම


ජනාධිපති තුමනි,

                               ආඩම්බරකාර ජනතාවක් වූ අප විසින්  පෙර වැරදි නොසලකා ඔබ තුමා විසින් ලබා දුන් සියලු පොරොන්දු දේව වචනය සේ සලකා මෙවරද ඔබතුමා ඔය පුටුවේ ඉන්ද වූයේ අපගේ ආඩම්බරකම රැකගැනීම උදෙසාය. එහෙව් එකේ අපේ කානුවේ හිරවූ කුනු පලාත් සබාවෙන් ඉවත් නොකිරීමෙන් අපට සිදුවූ හානිය සුලුපටු නොවේ. එමෙන්ම වත්ත මායිමේ තිබූ පොල් කටු සැමන් ටින් වලින් ඇතිවූ ඩෙංගු හානිය නිසා ඖෂධ වියදම් කිරීමට සිදුවූ සිදුවූ මුදලද අති මහත්ය. කානුවට උදැල්ලක් දමා කානුව සුද්ධ කිරිම , ටින් බෙලෙක්ක එක්කහු කිරිම ආඩම්බරකාර ජාතියකට වටින්නේ නැත. අප විසින් ආන්ඩුවක් බිහි කරන ලද්දෙ එබැවිනි. එම නිසා අපට සිදුවූ හානිය වෙනුවෙන් නිසි වන්දියක් අනුමත කරන මෙන් ඉල්ලා සිටිමි


මීට විශ්වාශී

අභිමානවත් ආඩම්බර
මහජනයා





අපේ ආඩම්බරකම එතනින් නවතින්නෙ නැත.. ටවුමේ කඩෙ. ආන්ඩුවේ කන්තෝරුවේ ඉන්නේද අපෙම ගති තියන ඇත්තෝය. කඩේට ගොස් පාන් රාත්තලක් ඉල්ලු විට මුදලාලි කව්ද වැඩ කරන එකා කවුද කියා නිච්චි තියන්නට බැරිය ඒ තරමට දෙන්නා එක තරමට ආඩම්බරය. ආන්ඩුවේ කන්තෝරුවේ තත්වේද ඕං ඕකය. එහෙම කියා අපී ඔවාට කිසි දාක දොස් කියන්නෙ නැත. මොකද අපිට පොදු තේමා පාඨයක් ඇත ඒ.. PROUD TO BE SRI LANKAN කියාය. එහෙව් අපේ ආඩම්බරකාරකම් ගැන ලියනවානම් ලියන්නට පොත් පටන් විස්තර ඇත . ඒවා මෙතනින් එහාට නොලියන්නේද මගේ ආඩම්බරකාරකම නිසාය.





                         
                       

Monday, July 15, 2013

නිදහස් අධ්‍යාපනය සංජීවලා සහ අපි


" නිදහස් අධ්‍යාපනය රැකගවු "
 


මේ දවස් වල කනක් ඇහෙන්නට නැති තරමට නිදහස් අධ්‍යාපනය ගැන එක එක කචල් ඇත. සෑබෑ ලෙසම නිදහස් අධ්‍යාපනය රැකගත යුතු වස්තුවකි . අවුරුදු 5කට වරක් බුද්ධිය මෙහෙයවා ඔලු බක්කන්  මහ පුටුවලට යවන බුද්ධිමත් ජනතාවක් සිටින රටකට නිදහස් අධ්‍යාපනය වනාහි රැකගත යුතු මහාම වස්තුවක්ම වන්නේය.

නිදහස් අධ්‍යාපනය ගැන කතා කරන්නෙ නම් ගහට පොත්ත සේ බැදුන නම් කිහිපයක් ඇත, ඒ අතර සංජීවලා. උදුල්ලා ප්‍රධානය එක් එක් අය  සංජීවලා , උදුල්ලා නිදහස් අධ්‍යාපනය ගැන බොහෝ දේ ලියා ඇති නිසා කහනවාට වාගේ මොනා හරි ලියන්නට මමද හිතාගත්තෙමි.

නිදහස් අධ්‍යාපනය රැකගෑනීමේ කැක්කුම. කාට තිබුනත් ඒකේ විලිරුදාව විදින්නට වෙන්නෙ ගමේ කඩේ සිරිපාලට . කන්තෝරුවෝ පියදාසට හා බයිසිකලේ යන මටය. එහෙම කියන්නට හේතුවක් ඇත. පහුගිය දාක අම්බානකට හදිස්සි රාජකාරියකට කන්තෝරුවේ පියන්ද පටවාගෙන පිම්මෙ ගිය මගේ රොද දේකේ BMW එකට මල්වත්ත  පහු කරන්නට හම්බ උනේ නැත . කට්ටියක් පාර දිගේ නිදහස් අධ්‍යාපනය රකිමින් සිටි නිසා. ඒ බිත්තරේ රැක පැටියා බිහි වන තුරු පියදාසටත් මටත් පැය 4ක් මල්වත්ත හන්දියේ බිත්තර රකින්නට විය.

ඒ උදවියගෙන් නොතේරුම් කමට අහන්නට ප්‍ර්ශ්න දෙක තුනක් ඇත

1 ) මහා පාරවල් වසා උබලාගෙම අම්මලා තාත්තලා සහෝදරයෝ බස් වල පාරවල් වල පැය ගනන් තප්පවා. වද දෙන්නේ නිදහස් අධ්‍යාපනයට විකුනන්නට හදන්නේ උන් නිසාද ?

2) නිදහස් අධ්‍යාපනය රකින්නට කියා පෙලපාලි ගොස් නිදහස් අධ්‍යාපනයෙන් ලැබුනු බිල්ඩින් ටික . ඒවායේ ජනෙල් විදුරු ටික ,කුඩු පට්ටම් කරන්නෙ ඒකත් නිදහස් අධ්‍යාපනයේ රැකීමේ කොටසක් නිසාද


මේ නාඩගම මම විද ඇත්තේ වරක් දෙවරක් නොවේ. උබලාට ඇත්තටම නිදහස් අධ්‍යාපනය රකින්නට කැක්කුමක් තියනවානම් කොරන්නට බොහෝ දේවල් ඇත. උබලා පැය ගනන් පාරවල් වසා කලු කොඩි ,රතු බැනර්, මිනී පෙට්ටි පෙන්වනේ උබලාගෙම උන්ට මිසක  උබලාගේ ප්‍ර්ශ්න වලට උත්තර බදින්නට ඕනෑ උන්ට නොවන වග උබලාට තාම තේරී නැත.

අධ්‍යාපන ඇමතිවත්. රටේ ජනාධිපතිවත් , අමාත්‍යංශ ලේකම් වත් උබලා ඔය පැය ගනන් වහගෙන නටන පාරවල් වල නවතින බස් එකේ ගෙදර යන්නේ නැත. ඔය පාරක් වැහුවා කියාවත් ගිරිය කැඩෙනකම් කෑ ගැහුවා කියාවත් බැටන් පාරක් හැරෙන්නට නිදහසේ වෙන දෙයක් උබලාට ලැබෙන්නේද නැත. 

එහෙව් කතා කොච්චර කීවත් උබලාට නොතේරුනාට සංජීවලාගේ , උදුල්ලාගේ කැක්කුම අහක ඉන්නා මට තේරුනේ සෑහෙන කාලෙකට කලින්ය.

සංජිවලාගේ දේශපාලනය අනුව සමාජය පංති කරද්දි සිද්ධාලේප මුදලාලිලාද, නවලෝක මුදලාලිලාද වැටෙන්නෙ ධනපති පංතියටය.   උන්  ධනපති උම්මත්තකයන් වන අතර එදාවේල කන්නට නැති උන් පීඩිත පංතියේ අසරණයන් වන්නේය. වැරදිලාවත් අර පිඩිත පංතියේ අසරණයා මුට්ට කරගස එන අතර ගන්නා ලොතරැයිකට කෝටියක් ඇදුනහොත් ඌ ඒ වෙලාවේම ධනපති පංතියේ උම්මත්තකයෙක් වන්නේය.  සංජීවලාගේ මේ දේශපාලන පක්ශයට එක එක නම් එක එක හැදින්වීම් ඇත . ඒත් අහක ඉදන් බලන් ඉන්න අපිට පේන්නේ ඒ පක්ශය මහා ඉරිසියාකාර පක්ශයක් ලෙසත් ඒ දේශපාලනය මහා ඉරිසියාකර දේශපාලනයක් බවත්ය.

ඒ තර්කයට වැටෙන්නට මට සිද්ධවෙන්නෙ සංජීවලාගේ දේශපාලනය ගැන අමුතු කතන්දර කිහිපයක් අහන්නට දකින්නට වීම නිසාය. මේ එයින් එක කතාන්දරයකි

 මගේ මිතුරකුගේ සහෝදරයෙක් ඔය නිදහස් අධ්‍යපන රකින සටනේ ඉහලම චරිතයක්ව සිටියේය. මිනිහා ගෙදරට වෙලා පාඩම් කරනවාට වඩ කලේ පොස්ටර් අදින එකය. කහ පාටින් සුදු කොලේ මැද ඔහේ නයෙක් වගේ ඉරක් ඇදෙයි   ඊට පස්සේ එලියේ වේලෙන්නට හැර ලියනවෙන්නෙ  මෙන්න මෙහෙම වැකියකි. " නිදහස් අධ්‍යාපනයට අත නොතබනූ " ඊට පස්සෙ ඊලග කොලේ " පෞද්ගලික විශ්ව විද්‍යාල පනත හකුලා ගනිව් "  ඒ ගෙදර හැමදම තුන් හතර දෙනෙක් එකතු වෙලා ඔය පොස්ටර් ඇදිල්ල නැති උනේ නැත. ඒ වගේම අපිට මේ කර්යයේ උතුම් බව පැහෙදිලි කරන්න ඒ අයියලා නිතර උනන්දු උනේය. මාසෙකට දෙකකට සැරයක් බැන්ඩේජ් එකක් පිටින් මිනිහා දකිනවා සේම අවුරුද්දකට විතර සැරයක් උන්ගේ තාත්තා ඌට ඇපදෙන්න පොලිසියට ගියේය. ඒ පවුලේ කොල්ලෝම තුනකි තාත්තා දුම්රිය දෙපාර්තුමේන්තුවෙ පොඩි රස්සාවක් කර පවුල ගොඩ දැමූවෙකි.පොස්ටර් සටං පාඨ මැදිං ඒ කතාව සද්ද බද්ද මැද එහෙමම ගෙවිලා යන්නේය .

දැන් කතාවේ තාලය වෙනස් කරන්නට වන්නේය . තොරණක උනත් තාලය තියන්නෙ කතාවේ සැරේ විදියටය. තාලය වෙනස් වෙන කතාව පටන් ගන්නෙ මෙන්න මෙහෙමය.

දැන් අවුරුද්දකට විතර ඉස්සර ඔය කියපු සහෝදරයගෙන් මට කෝල් එකක් ආවා. 

" හලෝ මල්ලි මම අහවලා "

" ආ.. අයියා කියන්න. කොහොමද මොකෝ කරන්නෙ "

" ගිය සතියේ ලංකාවට ආවෙ මල්ලි... පොඩි උදව්වක් ඉල්ලගන්න කතා කලේ ... "

" කියන්න අයියා මොකක්ද වෙන්ඩ ඕන "

" මල්ලි අපේ පොඩි මල්ලි රංගිකයව  SLIT එකට දාගන්ඩ ඕන.. .."

" ඇයි අයියා ඌ දෙවෙනි සැරේ A/L කරනව කිව්වා නේද.. "

" වැඩක් නෑ මල්ලී ඊලග පාර ගොඩ ගියත් එලියට එනකොට කවදා වෙයිද මම බැලුවෙ SLIT එක කරවලා එහෙට ගන්න . උබ IT ගැන දන්නවනේ ඒකයි මේ කතා කලේ "


අන්න එහෙමයි ඒ කතාව ඉවර උනේ..  අද උගේ මල්ලි SLIT එකේ.   එදා උන්  අකුලවන්ඩ හදපු පෞද්ගලික විශ්ව විද්‍යාල පනත  ගැන මට මහා සංවේගයක් ඇති උනා

සංජීවලා කරන්න ඕන කියලා මට හිතෙන්නෙ මේ දේ .අඩුම තරමේ තියන දේවල් ටිකවත් රැකගෙන ආර්ක්ශා කරගෙන ඉගන ගන්න ඕන කියල ඔතෙන්ට දාහක් බලාපොරොත්තු බැදගෙන එන උන්ට ඉගන ගන්න දෙන එක.  ලංකාවෙ කැම්පස් වලට යන උන්ගෙන් බහුතරයක් 2500 මහපොලෙනුයි ගෙදරින් එවන 2500 රෝල ගහන උන්. උන්ට ඉර අල්ලනවත් ලෝකෙ පෙරලන්නවත් උවමනාවක් නෑ උන්ට ඕන තාත්තා නය වෙලා එවන 2500 නය බේරන්න ඉක්මනට මෙතනින් පැනගන්න. සංජීවලාගේ නිදහස් අධ්‍යාපනේ රැකිල්ලෙන් වෙන්නෙ අවුරුදු 4ක් නය වෙවී ඉගන ගන්න එකා අවුරුදු 5ක් 6ක් නය කාරයෙක් කරවලා තියන එක.

උබට නොතේරුනාට සංජීව සක්කුව බර උන් උබලා එක්ක පාරට බැහෙලා ජෝගි නටන් නෑ . ඔතන නැත්තං උන් කෙලින්ම කටුනායකින් උඩට . මොකුත්ම කරගන්න බැරි ගමේ කුබුරු කොටලා, හේන් කපලා , ගල් කොරියේ ගල් තලලා කැම්පස් යවන එකා තමා  නන්නත්තාර වෙන්නෙ. ඔතන මාසෙකට හමාරකට කැම්පස් වහපුවාම ඌටත් වෙන්නෙ ගෙදර ගිහින් ගල් කඩන්න වලව්වෙ බේබිලා නම් යාල කුමන සෆාරි යයි.

නිදහස් අධ්‍යාපනේ රැකපල්ලා එපා කියන් නෑ. හැබෙයි පුලුන් බෝල පුම්බලා කොලේ වහන් නැතුව. අපිත් දන්නවා කොයි වෙලේ හරි ඔය මහ පුටු වල ඉන්න උන් නිදහස් අධ්‍යාපනේට ගේම දෙයි කියලා. හැමදේම විකුනගෙන කාපු උන්ට ඕක ලොකු නෑ බං හරියට බත් කාල කෙහෙල් ගෙඩියක් කනව වගේ උන් ඕකත් කාල දායි. 

උබලා උබලගේ ජීවිතවලට පාරවල් කපා ගන්න රුපියල් 45ට වතුරත් එක්ක බත් කාල , ටැන්කි පුරව පුරව නාගෙන , මහපොල 2500 රෝල ගහන අහිංසකයවන්ව මුක්කු වලට ගන්න එපා. උබලගේ මේ බොරු නාට්ටියෙන් වෙන්නෙ මහ උන් කරන්න හදන දේ උබලම කරලා දෙන එක. ඉඩමක් හරි උකස් කරලා  උගන්නගන්න පුලුවන් කම තියන එකෙක් තොපි හින්දා දැන් ලමයි කැම්පස් එවන් නෑ. එක්කෝ රටකට යවනවා. නැත්ත ප්‍රයිවට් එකකට දානවා.  කට්ට කාගෙන හරි ගිහින් ඉගනගන්න හදන එකෙක් උබලගෙ කෙහෙල්මල් වලට ආවෙ නැත්තං උං මරාගෙන කන්න හදනවා. උබලා නිසා කැම්පස් අත ඇරලා ආව උන් ලිස්ට් පිටින් මම දන්නවා . ඒ අතින් බලපුවාම එදා ඉදලා හිටපු කිසිම රජයක් තොපි තරම් නිදහස් අධ්යාපනෙන් ඉගන ගත්තු උන්ට වල කපලා නෑ.

පාන් රාත්තල් රුපියලකින් වැඩි උනාම , තොපේ එකෙක් මොනවා හරි කුප්ප වැඩක් කරලා කූඩු කලාම පන්ති කාමරේ ඉගන ගන්න එකාවත් ඇදගෙන පාරට බහිනවා නිදහස් අධ්‍යාපනෙ රකින්න. රැකෙයි බලගෙන හිටපන්. පුලුවන් නම් ඉගන ගන්න දවස් 5 ඉගනගෙන අනික් දවස් වල කරන රෙද්දක් කරපන්. අධ්‍යාපන ඇමතියගේ. රටේ ජනාදිපතිගේ ගෙදරට යන පාර වහගෙන පැයක් බැරිනම් දවසක් ඉදගෙන හිටපං . පුලුවං නම් සංජිව උබ  ඔය ඉල්ලීම ටික ඉල්ලලා ගිනි තියාගෙන මැරියං .. හැබෙයි උබ මැරියං කාගෙ හරි අහිංසක අම්මෙක් තාත්තෙක්ගේ පුතෙක් ෆෝම් කරලා මල්ලි ගිනි තියාගනිං කියලා කෑන් එක අතට නොදී.  

උබල ඔය එකක්වත් කරන් නෑ මොකද එහෙම උනොත් උබලා කපාගෙන යන පාර කපලා දෙන්න කවුරුත් නෑ. උබලට නිදහස් අද්‍යාපනේ ගැන්වත්. එකෙන් ඉගන ගන්න උන් ගැන්වත් කැක්කුමක් නෑ බං උබලට තියන කැක්කුම දන්නේ උබලා තුන් හතර දෙනා විතරයි. ඒ කැක්කුමට විදවන්නේ අහිංසක පොඩි උන්.

  
කැමරාකාරයෙක් කැමරාව අල්ලපු ගමන් ඇඩෙන මූනක් හදාගෙන උබ කියවන විස්තර අහපුවාම අපිටත් ඇඩෙනවා සංජීව . ඒ වෙලාවට හිතෙනව  මාසෙකට සැරයක් කෑම එකක් අරන් නංගි බලන්න යන අපි තරම් වත් උබ කැම්පස් එකකට ගිහින් නැද්ද කියලා. අඩුම තරමෙ උබ කියවන ඒව උබටවත් තේරෙනවද කියලා. උබ කියන බහුබූත නෙවෙ. ගිහින් බලපන් කැම්පස් වලට හොස්ටල් වලට උන්ට ලයිට් නෑ , වතුර් නෑ. දහ දෙනෙක් නාල ඊලග උන් නාන්න ටැන්කි පිරෙනකම් ඉන්න ඕන . හොස්ටල් වල වහලවල් ඔලුවට කඩන් වැටෙන්න.  කැන්ටිමේ කෑම පිගන බල්ලෙකුට හැලුවොත් ඌ සිහි නැතිවෙලා වැටෙනවා. අඩුම තරමේ ඊලග පාර පාරට බහිනකොට අදින පොස්ටර් ටිකට ඔය ටික ලියාගෙන පලයන්. තේරෙන බාසාවෙන්.

එහෙම නැතුව පිස්සු බල්ලෝ රැලක් වගේ අහිංසකයෝ උසි ගන්නලා. උන්ව පාරට දාල උන්ව කාලකන්නියො නොකර උන්ට මිනිස්සු වෙන්න දීපන්. උබලා ඔය කරන්නෙ ඉරිසියාවෙන් කුහක කමෙන් උන්ගෙ ඔලු පුරවන එක.









මේ ලිපිය කියවන ඔබ එක් කාරනාවක් සිහියේ තබාගෙන මෙම ලිපිය කියවන මෙන් ඉල්ලා සිටින්නෙමි. එනම් මෙම ලිපිය ලියන මා අවුරුදු 18දී ජන්ද බලය ලැබ මේ වන විට ගතවී ඇති වසර නවය තුල එක් වතාවක් හැරෙන්නට කිසිදු විටක කිසිදු පක්ශයක් වෙනුවෙන් ජන්දය භාවිතා නොකල අයෙක්මි.   එක් වරක් ජන්දය භාවිතා කරන ලද්දෙ යුද්ධය අවසන් කිරීමෙන් අනතුරුව පැවති ජන්ද විමසුමේදී වත්මන් ජනපති මහින්ද රාජපක්ශ මහතා වෙනුවෙන් වන අතර . දැන් නම් ඒකද අපරාදේ කියා සිතෙන වෙලාවල් ඇත.
Time in Sri Lanka: