Monday, February 10, 2014

ඇයි මල්ලි අවුලක්ද ?




හැමදාම එන පාරේ.. ගෙදර එන ගමන් හිටියේ..
කොහොමත් මම කලබල ටවුම මැදින් එන්න වැඩිය කැමැත්තක් නෑ. ඒ නිසා ටවුමට ඇතුලෙන් යන පාරෙන් බොහොම දුරක් ඒ වෙනකොට මම ඇවිත් තිබ්බෙ. පිටිපස්සෙන් ආව වෑන් එක එලවපු එකා හෝන් ඒක උඩ නැගගෙන පාරේ ඉඩ ඉල්ලපු නිසා මම ඌට ඉඩ දුන්නා, ඒ එක්කම පැයට කිලෝමීටර් හිතාගන්න බැරි ගානකින් ඕවටේක් කරපු ඩිලිවරි වැන් එක තව මීටර් 10ක් ඉස්සර වෙන්කොටම පාර අයිනේ උගේ පාඩුවෙ හිටපු බල්ලෙක් දඩාස් ගාල හැප්පුවා. වේගෙ කිසිම අඩුවක් නොකරපු වෑන් එක. ඊලග තප්පරේදි නොපෙනී ගියා. ( සැලකිය යුතුයි සමහර බල්ලෝ ඉන්නවා මාර්ග නීති තුට්ටුවකට මායිම නොකර පාර මැද බුදියං ඉන්න උන් මූ එකෙම එකෙක් නෙවෙයි පාරෙනුත් සෑහෙන්න ඇතින් හිටියත් වෑන් එකෙ ඕවටේක් ස්පීඩ් එකට වාහනේ කොන්ට්‍රෝල් නැති උනා)

වාහනේ වැදුන බල්ලා පාර අයිනේ වැටිලා මහා හයියෙන් විලාප තියනවා. තව වාහනේකට යට වෙයි කියලා ඌව අයින් කරන්නත් බය. මරු විකල්ලෙන් හපයිද කියන සැකේ හින්දා. මම බයිසිකලෙන් බහිනකොටම මාව පහු කරපු නවීන පන්නේ ජීප් එකක් ඉස්සරහින් නැවැත්තුවා. තප්පර ගානක් ඇතුලත ඒකෙන් බැහැලා ආවේ වයස 60ක 65ක විතර මහත්තයෙක්.

" අප්පා අහිංසකයව හප්පලා නේද ? "

ලගට එන ගමන් ඔහු ඒ විදියට ඇහුවා..

ඊලග තප්පරේදි ඔහු ආයෙම මෙහෙම කිව්වා

" බේරගන්න පුලුවන් වෙයි.. පුතා අල්ලමුද වාහනේට.. "

වෙන්න යන දේ ..හිතාගන්න අමාරු උනත් .. මම හා කියලා ලං උනා ..

"බලාගෙන හපයිද දන් නෑ,,, "

මම කිව්වෙ කෝකටත් පරිස්සමට

"බය වෙන්න එපා පුතා ඌ දන්නවා ඌට හොදක් කරන්න කියලා "

වාහනේට බල්ලා දා ගත්ත මහත්ත්යා පොඩ්ඩක් ඉස්සරහට ගිහින් වාහනේ හරවලා ආපහු නුවර පැත්තට පිම්මේ ඇදුනා..

වාහනේ ගියාට පස්සෙත් මම බොහොම වෙලාවක් ඒ පැත්ත දිහා බලාගෙන වෙච්ච දේ මුල ඉදලා කල්පනා කලා..

ඒ එක්කම ලග නවත්තපු ත්‍රි වීල් අයියා කෙනෙක් මං දිහා බලලා මෙහෙම ඇහුවා

" ඇයි මල්ලි අවුලක්ද ? "

ඇත්තටම කාලෙ හැටියටනම් මේක මහා අවුලක්..


13 comments:

  1. අවුල්ම තමා...මිනිහෙක් හැප්පිලා හිටියත් පොටෝ එකක් අරන් FB දාන්ඩ යන කාලේ වෙන දේවල්ද මේ..

    ReplyDelete
  2. අවුල් නැද්ද බං.. ඇයි අනේ......................

    ReplyDelete
  3. අවුල් කියන්නේ හොදටම අවුල්.උබෙත් මොකක් හරි ලොකු අවුලක් තියේ.ෆොටෝ එකක් අරගෙන නැහැනේ.

    ReplyDelete
  4. එහෙම අයත් ඉන්නවද කියල අවුල් බන්....

    ReplyDelete
  5. schizophrenia - සැබෑවටම සිදුනොවුනු දේ සැබෑවට සිදුවුණා යැයි සිතීම...

    ReplyDelete
    Replies
    1. මෙතන වෙලා තියෙන්නෙ ඒකෙ අනික් පැත්ත.
      සැබෑවටම සිදු නොවෙතැයි සිතන දේ සැබෑවටම සිදුවීම

      Delete
    2. නෑ ප්‍රසන්න... මම ඕක ඇත්තටම වෙච්ච දෙයක් වෙන්න බෑ... ඔය උඩ තියන, නම කියාගන්න බැරි, ලෙඩේ හැදිච්ච එවුන්ට ඔය වගේ දේවල් ඇත්තටම වුණා කියලා පේනවා... මට නම් හිතෙන්නේ මූටත් වෙලා තියෙන්නේ ඒකයි.

      Delete
  6. අවුලක් නේන්නං.

    ReplyDelete
  7. ලංකාව වගේ අයිස්චර්යමත් රටක ඕක අවුලක් උනාට වෙන බොහෝ රටවල් වලනං මම දන්න තරමින් ඕක සාමාන්‍ය දෙයක්.

    ReplyDelete
  8. faith on humanity restored

    ReplyDelete
  9. minissu yahapath deyak kalama eka venna bari dheyak kiyala hithenne ayi ?

    minissun innava saththunta adharea....

    ReplyDelete
  10. මහත්තයා පිලිපීන්, කොරියන් මොඩ්ල් එකේද බන් :D

    ReplyDelete

හිතුව දේ ලියලම යමු

Time in Sri Lanka: