මහා මන්දිර සඳලුතලවල
නම්බුවේ ගුණ රුවේ ඔපයට
හැදෙන වැඩෙනා අපේ උන් ගැන
නොමැත තරහක් අපේ හිත් වල
වදන් ගලපා කියන්නට බැහැ
නැගෙන කුසගිනි කතාවන් ගැන
රජුන් බුදිනා බොජුන් හල් ළඟ
නොමැත උණු වෙන දයා සිත් ලොව
කුලේ තිරිසන් උණත් හිතවත
දැනේ අපටත් කුසේ හිස් බව
නොතේරී නොව අහක බැලුවේ
බුදුන් වඳිනා බොහෝ සිත් අද
බෙහෝ මිනිසුන් මේ වගේ තමා.හිතේ අනුකම්පාවක් නැහැ.
ReplyDeleteබල්ලො පූසො වගේ සත්තු මිනිස්සු එක්ක වාසයට හුරු වෙලා. එහෙම මිනිස් වාසයට ආ සතුන්ට අප සළකන්නෙ නැත්නම්, ඒ සතුන් කොපමණ අසරණ වෙනවද? ඔන්න දැන් ආයෙමත් පාරවල ඉන්න බල්ලො පූසො මරන්නට සැලසුම් ගේනවලු. උන්ගේ කුසගිනි නිවීම ගැන කවර කතාද?
ReplyDeleteඔබ කියා ඇති මුළු අදහසම ඡායාරූපයේ තියෙනව.බල්ලො,පූසො.ගෙවල් වල තියාගෙන හදල තුවාල හැදුනම,පැටව් දාන කොට ගෙනල්ලා පාරට දාල යන සමාජයක අපි ජීවත් වෙන්නෙ.මිනිසුන්ට නැති අනුකම්පාවක් සහ ආදරයක් සතුන් වෙනුවෙන් බලාපොරොත්තු වෙන්ඩ අමාරුයි.නොසිතන දෙයක් ගැන ලියුවාට ස්තූතියි..
ReplyDelete