Test
6 days ago
Wednesday, December 30, 2015
සියලු බැදීම් වලින් නිදොස් කොට නිදහස් කරන ලදී
ජීවිතය ඉල්ලා හඩන අය අතරේ
ජීවිතය එපාවී හඩන අය අතරේ
වාට්ටුවේ කෙලවරක
කිලිටි වුනු සයනයක
ඇඳ ඉහපතක ලියා තිබුනා මෙසේ
" සියලු බැදීම් වලින් නිදොස් කොට නිදහස් කරන ලදී"
උපේන්ද්‍ර හර්ෂණ ද සිල්වා
2016 - 02 - 25
Friday, November 20, 2015
කාලය ඔබ මට කළ දේ කදිමයි
කාලය ඔබ මට කළ දේ කදිමයි
තාලයකට ගල ගලා ගිහින්
ආලය පිළිබඳ සිත රිදවාගෙන
ඈ මා හැර වෙන අතක ගිහින්....
.
මේ ඉර වාගෙම මේ හඳ වාගෙම
කොපමණ ඉර හඳ බැස ගියෙදෝ
ඈ හද බැන්ඳූ ආල හැඟුම්
ඒ ඉර හඳ යට සැඟවුණිදෝ....
.
පැමිණෙන පිරිපත කාලය විසදයි
කී පෙර පඬිවරු කවුරුන්දෝ
කාලය ඔබ හට ඉඩදී මා ලද
සාපය ගෙවනුයේ කෙලෙසකදෝ....
Labels:
කාලය ඔබ මට කළ දේ කදිමයි
ඒ බෝසත් ගුණ දකිනා දරුවන් ඉර හඳ සේ මුලු ලොවට වටිනවා
ඒ බෝසත් ගුණ දකිනා දරුවන් ඉර හඳ සේ මුලු ලොවට වටිනවා
සිතිවිලි ඔපලා දියඇලි සේ සරසා
මව්වරු සිටියා ඉපනැලිසේ ඉවසා......
ඒ බෝසත් ගුණ දකිනා දරුවන්
ඉර හඳ සේ මුළු ලොවට වටිනවා........
කඳුළැලි සඟවා හසරැළි මුව ගවසා
පියවරු සිටියා කඳුවැටි සේ වටලා........
ඒ බෝසත් ගුණ දකිනා දරුවන්
ඉර හඳ සේ මුළු ලොවට වටිනවා.......
සෙනෙහස දල්වා සඳමිණිකැන් අතුරා
ගුරුවරු සිටියා ගණදෙවි බල පතුරා...........
ඒ බෝසත් ගුණ දකිනා දරුවන්
ඉර හඳ සේ මුළු ලොවට වටිනවා.....
Monday, October 19, 2015
හිනාවෙන්න විතරයි මං ආසම අප්පච්චි
සරස්වතිය හිනැහෙන දවසක හැන්ද වරුවේ
අපේ ජීවිතේ හිනැහෙයි වස්දඬු හඬ මැද්දේ
පෙරුම් පුරාගෙන ආ පින් මට නම් මදි වෙද්දී
ඒ හිස් තැන් පිරවෙන්නට නුඹෙ සෙනෙහස ඇත්තේ
ඇවිද්ද පය දහස් වටිනවා කියාලා කිව්ව
කතන්දරේ මට තාමත් මතකයි ඒ කිව්ව
මගේ හිතට වඩා හොදින් ඒ කතාව දන්න
තවත් කෙනෙක් ඉන්නවාද මේ ලොව ඉපදිච්ච
බටලීයේ තාලෙට මේ මගෙ හිත නැලවෙද්දී
හිනාපිරෙනවා දෙතොලට නුඹෙ ලග නැලවෙද්දී
අඩන්න දේවල් දාහක් හිත අග මුමුනද්දී
හිනාවෙන්න විතරයි මං ආසම අප්පච්චි
Labels:
හිනාවෙන්න විතරයි මං ආසම අප්පච්චි
Tuesday, March 31, 2015
ඉතිං හිනාවෙමු දෑත් වෙලාගෙන සටන අහවරයි කුමාරියේ
(Photo by web)
ඉතිං හිනාවෙමු දෑත් වෙලාගෙන
සටන අහවරයි කුමාරියේ
හෙමින් ඇවිද යමු මලින් සැරසි බිම
ප්‍රේම ගායනා නිමා නොවේ
දහස් ගනන් දිලෙනා පහන් කැට
අහස් තලේ දිව යයි ඔහේ
සදක් හොරෙන් මම අරන් ආව වග
ඔවුන් දකීවිද රාත්‍රියේ
ඔවුන් දකීවිද රාත්‍රියේ
දුහුල් සළුව මුමුනයි කතන්දර
හෙටින් උදාවෙන වසන්තයේ
ඔබත් සිනාසෙයි මමත් සිනාසෙයි
ලොවක ඇස් වැසෙන විරාමයේ
2015 | 03 | 31
ලොවක ඇස් වැසෙන විරාමයේ
2015 | 03 | 31
Subscribe to:
Posts (Atom)
